Kompozıtor Qýat Shildebaev Almatyda óziniń kartınalaryn qoıdy
ASTANA. QazAqparat - Tanymal kompozıtor Qýat Shildebaev óz talantynyń jańa qyryn ashty. Ol alǵash ret óziniń kórkemsýret shyǵarmalaryn Almatydaǵy galereıalardyń birine qoıly, dep haabarlady 24.kz.
Qýat Shildebaev belgili adam: kompozıtor, halyqaralyq jáne respýblıkalyq konkýrstardyń laýreaty. Sımfonııalyq, kameralyq jáne horǵa arnalǵan shyǵarmalar, halyq aspaptaryna arnalǵan kúı, fılmderge mýzyka jazady, olardyń ishinde «Otyrardyń kúıreýi», «Stalınge syılyq», «Qosh, Gúlsary» «Balalyq shaǵymnyń aspany», «Shal» sııaqty fılmder bar. Onyń shyǵarmashylyǵy qazaqtyń dástúrli mýzykasymen baılanysty, degenmen ol búgingi zaman taqyrybyn da qaýzap keledi. Alaıda onyń sýretshi ekenin kóptegen adamdar bilgen joq.
Kompozıtor budan 3 jyl buryn sýret ónerimen áýestene bastaǵan bolatyn. «Endi meni ózine tarta tústi. Boıaýlvarda da ishki úndestik, polıfonııa, kontrapýnkt bar eken. Zeıinim aýǵany sonshalyq, keıde ýaqytty da umytyp qalamyn», deıdi Qýat Shildebaev.
