Kompozıtor: Karantın talabyn saqtaý - ózimizdiń jáne jaqyndarymyzdyń saýlyǵy úshin asa mańyzdy

QOSTANAI. QazAqparat – Belgili kompozıtor, QR Eńbek sińirgen mádenıet qyzmetkeri Qalıbek Deripsaldın qazaqstandyqtardy karantın talaptaryn saqtaýǵa shaqyrdy, dep habarlaıdy QazAqparat tilshisi.

«Qazirgi tańda koronavırýstyń ekinshi tolqyny bastalyp jatyr. Sondyqtan qurmetti qazaqstandyqtar, sizderdi karantın sharalaryn qatań túrde saqtaýǵa shaqyramyn. Dál qazirgi sátte dárigerler usynǵan keńesterge qulaq asýymyz qajet. Densaýlyq barlyǵymyz úshin asa mańyzdy. Osy oraıda únemi maska taǵý, araqashyqtyqty saqtaý erejelerin qaperde ustaıyq. Bul - áýeli ózimizdiń, sosyn jaqyndarymyzdyń saýlyǵy úshin jasalýy tıis sharalar», - deıdi QR Kompozıtorlar odaǵynyń múshesi Qalıbek Deripsaldın.

Sondaı-aq, kompozıtor koronavırýs ınfektsııasymen kúres jolynda eńbek etip júrgen dárigerlerge alǵysyn jetkizdi.

Eske sala keteıik, Qalıbek Deripsaldın taıaýda medıtsına qyzmetkerlerin qoldaý maqsatynda «Aınalaıyn dárigerim» atty án shyǵarǵan bolatyn.