Kompozıtor Ilıa Jaqanov Qazaqstannyń qurmetti jazýshysy atandy
ATYRAÝ. KAZINFORM – Búgin Atyraý oblysynyń 4 qalamgerine Qazaqstannyń qurmetti jazýshysy ataǵy berildi.
Atyraýda «Jumysshy mamandyǵy jáne Qazaqstan jazýshylarynyń shyǵarmalary» taqyrybymen Qazaqstan Jazýshylar odaǵynyń kóshpeli plenýmy ótip jatyr. Іs-shara kezinde elimizdiń rýhanııatyna úles qosqan qalamgerlerge qurmetti ataqty Qazaqstan Jazýshylar odaǵynyń basqarma tóraǵasy Mereke Qulkenov tapsyrdy.
Qazaqstannyń Qurmetti jazýshysy atanǵandardyń biri – Qazaqstannyń Eńbek Eri Ilıa Jaqanov. Tanymal óner qaıratkeri qazaqtyń halyq ánderi men kompozıtorlarynyń shyǵarmashylyǵyn zerttep keledi. Halyq ánderiniń shyǵý tarıhynan birneshe kitap jazǵan.
Sondaı-aq, aqyndar, Jumeken Nájimedenovtiń shyǵarmashylyǵyn zertteýshi, fılologııa ǵylymdarynyń doktory Qadir Júsip, jergilikti ólketanýshy Tólegen Jańabaev, aıtysker Jánıba Qarasaeva atalǵan ataqqa ıe boldy.
Eske sala ketelik, budan buryn Atyraý ýnıversıtetiniń stýdentterine Geıdar Alıev atyndaǵy stıpendııa berilgenin habarlaǵan bolatynbyz.
