Kompanııalardaǵy barlyq jetekshi menedjerler qatań synaqtan ótedi - Ómirzaq Shókeev
«Barlyq uıymdar, kommertsııalyq kompanııalar úsh baǵytta damı alatynyn kórip otyrmyz: birinshisi menedjerlerdiń sapasy, ekinshisi protsesterdiń sapasy, úshinshiden tehnologııalar. Barlyq bıznes osy úsh baǵytqa táýeldi. Bul baǵyttyń úsheýi boıynsha bizde jol kartasy bar», - deıdi basqarma tóraǵasy.
Menedjerlerge qatysty jol kartasy neziginde «Samuryq-Qazyna» kompanııalardyń basshylyǵyndaǵy 1600 qyzmetkerdi halyqaralyq dárejede básekege qabiletti bolýyn qalap otyr.
«Naqty aıtqanda, eki jol boıynsha: iri kompanııalarda eńbek etken mamandardy shaqyryp, jergilikti kadlardy tárbıelegimiz keledi. Ekinshiden, laýazymdar boıynsha jumys júrgizemiz. Laýazymdarǵa qoıylatyn talaptar bizdiń analogtarǵa qoıylatyndaı dárejede bolýy kerek. Barlyq kompanııalar men laýazymdar úshin biz táýelsiz komıssııa qurdyq. Ol komıssııanyń quramyna táýelsiz dırektorlar, sheteldik mamandar men bizdiń kompanııanyń úzdik mamandary endi. Naqty sol komıssııa búgingi menedjerlerdiń laýazymyna sáıkes kele me, joq pa - sony anyqtap berýi tıis», - deıdi ol.
Ómirzaq Shókeevtiń aıtýyna qaraǵanda, kóptegen laýazymdy tulǵalar bul talaptarǵa sáıkes kelmeı jatady. Máselen, bas keńseniń ózinde menedjerlerdiń jartysy, basqa kásiporyndardyń menedjerleriniń 30-40 paıyzy Jobmatching protsesinen óte almaı, olarmen qosh aıtysýǵa týra kelgen.
«Bizde óziniń izbasarlaryn tartqysy keletin jetekshiler barshylyq. Biz buǵan qarsymyz. Mundaıdy baıqasaq, naqty sol kompanııada Jobmatching protsesin qaıta ótkizýdi talap etemiz. Ár menedjer arnaıy ádisteme arqyly ashyq túrde synalatyn bolady. Eger talapqa saı kelmese, shyǵady. Biraq, kompanııaǵa ený óte kúrdeli bola túsedi. Ol emtıhannyń 8 túrinen ótedi», -deıdi ol.
