Kompanııalarda táýelsiz dırektorlar tapshy-"Olympex Advisers" kompanııasynyń ókili
ALMATY. 25 qarasha. QazAqparat /Erlik Erjanuly/ - Dırektorlar keńesi kompanııany basqarýdyń strategııalyq organy bolý kerek.
Búgin Almatyda ótip jatqan korporatıvti basqarý máselesine arnalǵan ІІІ Ortalyqazııalyq sammıtte bul týraly "Olympex Advisers" JShS-niń Korporatıvtik máseleler jónindegi tobynyń dırektory Esen Masalın aıtty.
Onyń aıtýynsha, qazir kompanııalarda táýelsiz dırektorlar tapshy bolýda. Keı jaǵdaıda túıindemesin alǵan soń top-menedjerlerdiń ókili alǵashqy áńgimelesýden keıin birden sheshim qabyldap jatady. Tipti mundaı sheshim telefon arqyly bolǵan áńgimelesýden keıin de jasalady. Bul durys emes. "Dırektorlar keńesi múshelerin suryptaý birneshe kezeńnen turý kerek. Oǵan qoıylatyn talap ta joǵary bolýǵa tıis. Zań boıynsha Dırektorlar keńesi atqarýshy organnan joǵary turýy qajet", - deıdi Esen Masalın.
Ekikúndik bul sharany Qazaqstannyń táýelsiz dırektorlar qaýymdastyǵy uıymdastyryp otyr. Oǵan memlekettik, aımaqtyq retteý organdarynyń jáne ulttyq kompanııalardyń, qarjy sektory ókilderi men Ortalyq Azııa elderiniń ýákilderi qatysýda.
