Kompanııalarda qazaqstandyq jumysshylardyń eńbekaqysyn kóterýge taldaý júrgiziledi
«Jumyspen qamtý saıasatyndaǵy bizdiń negiz maqsatymyzdyń biri – ulttyq eńbek naryǵyn qorǵaý. Bul bazalyq talapty mınıstrlik te, barlyq jergilikti atqarýshy organdar da ustanady. Búginde shetel jumys kúshin tartatyn kásiporyndarda kadrlar boıynsha qazaqstandyq qamtý 96 paıyzdy qurap tur», - dedi vıtse-mınıstr Úkimet úıinde ótken baspasóz máslıhatynda.
Onyń sózine qaraǵanda, kásiporyndarda shetel jáne Qazaqstan mamandarynyń laýyzymy men kásibi, sondaı-aq qyzmettik mindetteri de birdeı bolsa, shetel azamattaryna joǵary eńbekaqy tóleýge esh negiz joq.
«Bul talapty qatań baqylaýda ustap turmyz, osyǵan memlekettik eńbek ınspektsııasynyń, prokýratýra organdarynyń kúsh-jigeri baǵyttalǵan. Búginde Prezıdenttiń tapsyrmasyn eskere otyryp, tıisti tekserýler júrgiziledi. Osy rette shetel mamandaryn tartatyn kompanııalar qamtylady. Eger de qazaqstandyq jumysshynyń biliktiligi jumys berýshi belgilegen eńbekaqyǵa saı kelse, onda mamannyń jalaqysy tıisti deńgeıde ósedi», - dedi Aqmádı Sarbasov.
Eske salsaq, Úkimettiń keńeıtilgen otyrysynda QR Prezıdenti Qasym-Jomart Toqaev qazaqstandyqtardyń eńbek quqyqtaryn qorǵaýǵa kóńil bólýdi tapsyrǵan edi.
Aıta keteıik, jaqynda Úkimet otyrysynda Premer-Mınıstrdiń orynbasary Gúlshara Ábdiqalyqova sheteldik jumys kúshi bar kásiporyndarda shıelenisti boldyrmaý jospary ázirlenip jatqanyn málim etti.
