Kompıýterlik talanttar jarysy: Almatyda ınformatıkadan halyqaralyq olımpıadanyń ashylýy (FOTOREPORTAJ)
ALMATY. QazAqparat - 27 shildede Almaty qalasyndaǵy Ó.Joldasbekov atyndaǵy Stýdentter saraıynda mektep oqýshylarynyń ınformatıka páninen XXVII halyqaralyq olımpıadanyń (IOI-2015) saltanatty ashylýy bolyp ótti.
IOI-2015 Qazaqstanda alǵash ret ótkizilip jatyr. Olımpıada túrli elderdegi kelgen ınformatıka jáne aqparattyq tehnologııalar salasyndaǵy daryndy oqýshylardy anyqtap, olarǵa qoldaý kórsetýge baǵyttalǵan. Oǵan álemniń 86 elinen 630-dan astam delegat qatysýda.
Eki kún boıy olımpıadanyń qatysýshylary algorıtmdik esepterdi sheship, baǵdarlamalady.
Olımpıadanyń saltanatty ashylý rásimi 27 maýsym kúni bolyp ótti. Bıylǵy jyly Qazaqstannyń atynan tórt oqýshy qatysyp otyr: Mamınov Danııar, Ómirzaq Meırambek, Bekbolatuly Bekjan jáne Altybaı Nazarbek.
Halyqaralyq olımpıadada jeńiske jetken qazaqstandyqtar úshin jeńildikter qarastyrylǵan. Qarapaıym túlekter Nazarbaev Ýnıversıtetiniń birinshi kýrsyna foundation baǵdarlamasy boıynsha oqýǵa túse alsa, jeńimpaz atalǵandar úshin direct admission baǵdarlamasymen bilim alý múmkindigi bar.
Sondaı-aq olımpıadanyń jeńimpazdary UBT tapsyrýdan bosatylady. Qataryna jaqsy oqýshyny qabyldaǵysy kelgen kóptegen JOO olarǵa tegin bilim alý granttaryn usynady.
Sarapshylardyń aıtýynsha, tapsyrmalar qarapaıym tilde jasalady. Qatysýshylar testileýdiń avtomattandyrylǵan júıesine jiberilip, odan keıin qazylar alqasynyń aldyn ala daıyndaǵan testilermen taldanatyn baǵdarlamany jazýy tıis. Júıe jarys qatysýshylaryna qandaı baldar berilgenin ótkizilgen testilerdiń sany boıynsha ózi eseptegen. Osynyń barlyǵy onlaın rejiminde ótkizildi.
«Bizde barlyǵy ashyq túrde ótkiziledi. Qatysýshylarǵa nátıjeler kórsetilmese de, olar barlyq álem bile alady. Ekinshi aınalym aıaqtalǵan soń, kimniń qandaı medal alǵany belgili bolady. Bul jaǵynan atalǵan olımpıadanyń eshqandaı erekshe jaǵy joq», - dep bólisti óz pikirimen Nazarbaev Ýnıversıtetiniń National laboratory Astana jetekshi ǵylymı qyzmetkeri Baqyt Matkárimov.
Olımpıadanyń qorytyndylary men jeńimpazdardyń esimderi 1 tamyz kúni belgili bolady.
