Kompıýterlik baǵdarlamalar salasyndaǵy otandyq kompanııalardyń úles salmaǵy 5 paıyzǵa da jetpeı otyr
ASTANA. Naýryzdyń 18-i. QazAqparat /Arman Asqarov/ - Qazaqstandaǵy kompıýterlik baǵdarlamalar naryǵynda otandyq kompanııalardyń úles salmaǵy tómen bolyp tur.
Búgin Astanada ótken konferentsııada QR Indýstrııa jáne jańa tehnologııalar mınıstrliginiń departament dırektory Baqytjan Bıtemirov osy máseleni kóterdi, dep habarlaıdy QazAqparat.
Onyń sózine qaraǵanda, osy saladaǵy qazaqstandyq naryqta sheteldik «Maıkrosoft», «Orakal» jáne «EsAıPı» sııaqty kompanııalardyń ónimderi domınanttyq basymdyqqa ıe. Al otandyq ónim óndirýshilerdiń úles salmaǵy 5 paıyzǵa da jetpeı otyr.
Sondaı-aq B.Bıtemirov atap kórsetkendeı, qazirgi kezde Qazaqstan shuǵyl Internet baılanysyn keńeıtý jáne sandyq teleqyzmet kórsetý jaǵynan qalyp keledi.
