Kompıýterdiń óner týyndysy adam ónerinen asyp túse me

NUR-SULTAN. QazAqparat - «Byltyr Edmond Belamı portreti aýktsıonda 432 myń dollarǵa satylǵan edi. Eshkim tanymaıtyn adamnyń portreti osynsha aqshaǵa satylǵany, árıne, tańǵaldyrady. Bul óner týyndysyn kompıýter 14 - 20 ǵasyr aralyǵyndaǵy 15 myń portret týraly málimetterdi eskere otyryp, algorıtm arqyly jasaǵan edi», dep jazady VVS basylymy.

Avtor maqalada jasandy ıntellekt kúnnen kúnge damyp jatqandyqtan, kompıýter adam ıntellektisinen asyp túse me, shyǵarmashylyq ındýstrııasy men sýretshiler ortasyna ózgeris engize ala ma degen suraqqa jaýap izdep kóripti.

«Algorıtmder sýret salyp, mýzyka jazyp, óleń shyǵaryp jatyr. Mysaly, Google DeepMind jasandy ıntellekt baǵdarlamasy 2017 jyly álemdegi eń qıyn Go qytaı oıynynda jeńiske jetti. Baǵdarlama jańa shyǵarmashylyq jol taýyp, strategııa jasaı bildi. Degenmen, óner vırtýaldy álemge arnalmaǵan», dep jazady basylym.