Kompıýterdiń kómegimen qajylardyń ólimi azaıtylmaq
ASTANA. 27 jeltoqsan. QazAqparat - Qajylyq maýsymy kezinde jyl saıyn júzdegen adam taban astynda taptalyp, jan tapsyryp jatady.
Osy kemshilikti boldyrmaý úshin endigi jerde arnaıy ázirlengen kompıýter júıesi qajylardyń tyǵyz shoǵyrlanǵan jerin qadaǵalaıtyn bolady. Baǵdarlama adam kóp jınalǵan jerdi olardyń denesinen bólingen jylý arqyly avtomatty túrde anyqtap, qaterli sáttiń betin qaıtarý úshin birden dabyl qaǵady.
Bul jańalyqtyń avtory - Mekkeden shyqqan ǵalym men onyń Ulybrıtanııanyń Nottıngem-Trent ýnıversıtetindegi áriptesteri.
Ýaqyt óte kele atalmysh júıe avtomatty túrde óte qaýipti oryndardy ózi anyqtap, kóshirip alatyn bolady, dep jazady muslim.kz .
