Kompıýterdiń aldynda kóp otyratyn qyz-kelinshekter tez qartaıatyn kórinedi
ASTANA. Qyrkúıektiń 30-y. QazAqparat - Kompıýterdiń aldynda kóp otyratyn qyz-kelinshekter tez qartaıatyn kórinedi. Kosmetıkalyq hırýrgııa salasyndaǵy jetekshi brıtandyq mamandardyń biri doktor Maıkl Preıdjer osyndaı málimdeme jasap otyr.
Doktor kompıýterdiń aldynda kóp ýaqyt ótkizetin barlyq klıentterinen erte qartaıýdyń belgilerin baıqaǵanyn aıtady, dep habarlaıdy ITAR-TASS agenttigi.
«Ekranǵa kóz salǵan kezde qabaqtaryn túıetin nemese kózderin syǵyraıtatyn «sulýlardyń» qatarynda bolsańyz, betińizge merziminen buryn ájim túsetindigine kepil beremin. Kompıýterdiń aldynda uzaq otyrýdyń taǵy bir teris saldary bar: uzaq ýaqyt boıy bir qalypta jáne basty tómen qaratyp otyrýdyń saldarynan qyz-kelinshekterdiń ıekteri salbyrap ketedi», deıdi Preıdjer myrza.
Osy belgilerdi óz boılarynan anyqtaý úshin doktor qyz-kelinshekterge jumys kezinde ózderine qarap otyrýlary úshin, kompıýterleriniń qasyna aına qoıýǵa keńes beredi. «Keńesime qulaq asqan klıentterim jumys kezindegi ózderiniń syrtqy kelbetterine qarap shoshynady», deıdi ol.
«Kompıýterlik kelbetpen» kúresý úshin Preıdjer myrza kompıýtermen jumys isteıtin áıelderge ara-tura úzilister jasaýǵa jáne bet-moıyn bulshyq etterimen jattyǵýlar jasaýǵa, tipti bolmasa botoks ınektsııalaryn jasaýǵa keńes beredi.
