Kompıýterde jumys isteý kórý qabiletine qalaı áser etedi – mamandar
Kompıýterde uzaq jumys istegen kezinde kóz sharshaıdy – qurǵaıdy, qyshıdy, bulyńǵyr kóredi, jaryq qaraı almaı qalady, aýyrsyný jáne álsizdik paıda bolady.
Kózdiń kórý qabileti nasharlamaýy úshin kelesi erejeni ustaný kerek:
• Jetkilikti jaryq. Jumys ornyn terezeniń sol jaǵyna nemese oń jaǵyna jabdyqtaǵan durys, sonda kúndiz jaryq monıtorǵa janynan túsedi. Monıtordyń qarama-qarsy nemese tereze aldynda ornalasýy kózge salmaq túsiredi ;
• Jasandy jaryq birkelki jáne jetkilikti bolýy tıis. Tek ústel shamy jaryǵymen monıtorda jumys isteýge bolmaıdy. Ekranǵa tikeleı túspeıtindeı jaryq qoldanylýy kerek;
• Ekrandy kózdiń joǵarǵy jıegimen birdeı etip ornalastyryńyz. Monıtor kózden 50-60 sm qashyqtyqta ornalasýy kerek, al tómengi bóligi sizge joǵarǵy jaqtan góri jaqynyraq bolatyndaı etip ornalastyryńyz;
• Ekrannyń tazalyǵyn qadaǵalańyz, ony shań men kirden, daqtardan tazalaıtyn arnaıy maılyqtarmen súrtińiz;
• Eger siz kózildirikpen jumys jasasańyz, ekrannyń radıatsııasynan qorǵaıtyn arnaıy «ofıstik kózildirikke» tapsyrys bergenińiz jón;
• Kóp sý ishińiz, kózińizdiń shyryshty qabaty qurǵamaý úshin, kózińizdi jıi jumyp-ashyp otyrýdy umytpańyz;
• Jumys kúnderi 1-2 saǵat saıyn júıeli túrde kóz jattyǵýyn jasańyz.
Kózge arnalǵan jattyǵý:
• Kózdi tolyqtaı relaksatsııalaý kerek, kózdi jumyp, deneniń barlyq bulshyqetterin bosańsytyp, demalýǵa tyrysý kerek.
• Sheńber qımyldary. Kózińizdi sheńber boıymen jyljytyńyz: aldymen saǵat tilimen, sodan keıin qarama-qarsy, birneshe ret.
• Eki jaǵyna jáne ústine-astyna qaraý kerek. Muny birneshe qaıtalaımyz.
• Dıagonaldy qozǵalys. Aldymen, kózqarastaryńyzdy joǵarydan tómennen solǵa jáne artqa, sodan keıin joǵarydan soldan tómengige qaraı ońǵa jáne artqa birneshe ret jyljytyńyz.
• Alysta ornalasqan qus pen terezege jaqyn aǵash butaǵy sııaqty alys jáne jaqyn zatty kezekpen qarańyz.
Bular qarapaıym jattyǵý jáne kóp ýaqytty qajet etpeıdi, olar sizge demalýǵa jáne kózdiń bulshyqetterin jattyqtyrýǵa múmkindik beredi.