Kompıýter jazǵan áńgime Japonııadaǵy ádebı baıqaýdyń aqtyq synyna ótti
ASTANA. QazAqparat - Hakodate bolashaq ýnıversıtetiniń ǵalymdary jasandy ıntellektimen birlese otyryp áńgime jazdy, shyǵarma Hosı Sınıtı atyndaǵy ádebı baıqaýdyń aqtyq synyna ótti, dep habarlaıdy The Japan News.
Nikkei Shinichi Hoshi Literary Award baıqaýyna tapsyrylǵan 1 450 shyǵarmanyń 11-i algorıtmder kómegimen jazylǵan. «Kompıýter roman jazǵan kún» atty shaǵyn povest bas júldeni almasa da irikteýdiń birinshi kezeńinen ótken. Baıqaýdyń qazylary shyǵarmany adam emes kompıýter jazǵanyn bilmegen.
«Buǵan deıin jasandy sanany jaýaby bar esepti shyǵartýǵa, oıyndar oınaýǵa paıdalanyp keldik. Endi biz neırojelini tvorchestvomen aınalysýyn synap kórdik», - deıdi jazýshy robotty ázirlegen Hıtosı Matsýbara. Algorıtm áńgime quraı alýy úshin ǵalymdar oǵan qajetti derekterdi - bas keıipkerdiń jynysy, sıýjettiń sıpattamasy, sondaı-aq negizgi tól sózder men sóılemderdi usynǵan. Tehnologııanyń basqa erekshelikteri qupııa ustalýda.
Baıqaýǵa qatysqan fantast jazýshy Satoshı Haseniń aıtýynsha, povestiń qurylymy jaqsy bolsa da ondaǵy keıipkerler jetkilikti sýrettelmegen.
Jazýshylyqpen aınalysqan jasandy ıntellektiń áńgimesi: «Kompıýter adamdarǵa jumys isteýden bas tartyp birinshi orynǵa óziniń yqylasy aýǵan dúnıeni qoıdy», dep bastalady.
