Kompıýter klýbynyń operatoryn 30 myń teńge úshin óltirgen qanisherler sottaldy
ASTANA. Qyrkúıektiń 23-i. QazAqparat /Ernur Aqanbaı/ - Jýyrda ǵana kompıýter klýbynyń operatoryn 30 myń teńge úshin óltirgen úsh qanisher uzaq jylǵa bas bostandyqtarynan aıyryldy. Bul týraly búgin Astanadaǵy aptalyq brıfıngte Bas prokýratýranyń resmı ókili Jandos Ómirálıev aıtty.
«Osy jylǵy qyrkúıektiń 14-de kompıýter klýbynyń operatory T. Nechkasovany óltirý faktisi boıynsha prokýror tergegen is aıaqtalyp, sot úkimi shyǵaryldy. Osy aýyr qylmysty Jambyl oblysy Shý qalasynyń úsh turǵyny T.Nechkasovanyń 30 myń teńge mólsherindegi aqshasyn jáne uıaly telefonyn tartyp alý maqsatynda ǵana asa qatygezdikpen jasaǵan», dedi resmı ókil.
Onyń aıtýynsha, osy qylmysqa kináli Vygovskıı 17 jylǵa, Bek 16 jylǵa jáne Sarkısıan 13 jylǵa bas bostandyqtarynan aıyryldy.
