Kommýnıstik partııa eńbek ujymdary keńesin qurýdy usyndy
«2020 jyldyń basynda Qazaqstanda 993 sybaılas jemqorlyq faktisi tirkeldi. Bul ótken jylmen salystyrǵanda 11,4 paıyzǵa artyq. Onyń ishinde 555 fakt para alýǵa, al 404 fakt – para berýge qatysty, 34 fakt – sybaılas jemqorlyq deldaldyǵymen baılanysty. Jyl saıyn para alýshylar sany artyp keledi. Osyǵan baılanysty halyqtyń bılikke senimsizdigi paıda bolady. Búgingi dóńgelek ústelde sybaılas jemqorlyqtyń ómirlik ıgilikterdiń ádiletsiz bólinýine, halyq arasyndaǵy áleýmettik jik túsip, múliktik teńsizdiktiń ósýine qalaı yqpal etetinin talqylaımyz», - dedi partııanyń qalalyq fılıalynyń birinshi hatshysy Nurdáýlet Orazhanov.
Ekonomıka ǵylymdarynyń magıstri, QKHP múshesi ıÝrıı Kobka sybaılas jemqorlyqtyń ulttyq qaýipsizdik negizi úshin eleýli qater tóndiretinin, qoǵamdaǵy áleýmettik ahýaldy buzatynyn atap ótti.
«Qoǵam bılik qurylymdaryna senýi kerek, biraq sybaılas jemqorlyq senimsizdik týdyrady jáne túrli jaǵymsyz saldarǵa ákep soǵady. 2019 jyly Sybaılas jemqorlyqqa qarsy qyzmetke jáne aýmaqtyq organdarǵa 26 myń 886 ótinish, onyń ishinde ortalyq apparatqa – 7 969 ótinish túsken. Biz barlyq memlekettik qurylymdardyń, kvazımemlekettik kompanııalardyń jáne bıýdjettegi uıymdardyń basshylyǵyna belgili bir qabileti bar tulǵalar saılanatyn ereje engizýdi usynamyz. Qabilet boıynsha naqty talaptardy belgilegen soń ǵana máseleni sheshý jóninde baǵdarlamasy bar tulǵalarǵa konkýrs jarııalaý ońaı bolady», - dedi ıÝrıı Kobka.
Sonymen birge partııa múshesi eńbek ujymdary keńesin qurýdy usyndy. Bul da kóptegen máseleniń aldyn alýǵa kómektesedi.
«Sheshim qabyldar aldynda basshy eńbek ujymy keńesimen aqyldasýy kerek. Keńes basshynyń ońtaıly sheshim qabyldaýyna kómektesedi jáne mıllıardtaǵan memlekettik qarajatty únemdeıdi. Qyzmetkerlerdiń eńbek úlesi men tıimdiligine sáıkes materıaldyq yntalandyrýdyń barlyq shkalasy qurylýy kerek», - dep tolyqtyrdy kommýnıst.
