Kommýnalshylarǵa jaǵdaı jasaý jumystary jalǵasady - Altaı Kólginov
NUR-SULTAN. QazAqparat - Kelesi jyly da kommýnalshylardyń eńbegin qoldap, olarǵa jaǵdaı̆ jasaý boı̆ynsha jumys júrgizý jalǵasady. Bul týraly elorda ákimi Altaı Kólginov óz Instagram paraqshasynda jazdy, dep habarlaıdy QazAqparat.
«Bul jyl bárimizge ońaı̆ bolmady. Bizdiń kommýnalshylar turǵyndarǵa jaı̆ly bolýy úshin qalany taza ustaýǵa aýa raı̆yna qaramastan kún saı̆yn eńbektenedi. Eger ótken jyly kommýnaldyq qyzmet avtoparkiniń (Astana Tazalyq pen Astana Zelenstroı̆) arnaı̆y tehnıka men jabdyǵy 165-ten asa birlikke kóbeı̆se, bıyl taǵy 125 birlik arnaı̆y tehnıka men 100-den asa qosymsha jabdyq satyp alyndy.
Ótken jyldan beri jalaqy men syı̆aqy kólemi artty. Kelesi jyly da kommýnalshylarymyzdyń eńbegin qoldap, olarǵa jaǵdaı̆ jasaý boı̆ynsha jumys júrgizýdi jalǵastyramyz.
TJ rejımi kezinde bizdiń júrgizýshiler de aldyńǵy shepte boldy. Olar bizdiń medıtsınalyq qyzmetkerlerdi, áleýmettik jumysshylardy tasydy. Karantın tsıfrovızatsııa salasyn damytýdy jalǵastyrý kerek ekenin kórsetti. Avtobýstarǵa 100% valıdatorlar ornatýdyń arqasynda, júrgizýshi men jolaýshynyń baı̆lanysyn tómendetý úshin, tólemaqy jasaýda qolma-qol eseptesý alynyp tastaldy.
Budan bólek, park jyl basynan beri 100 elektrli avtobýspen tolyqty. Olardy paı̆dalaný ekologııalyq (atmosferaǵa zııandy qaldyqtar bólmeı̆di) jáne únemdik jaǵynan tıimdi. Ekologııanyń mańyzyn eskere otyryp, jeke ınvestıtsııa esebinen avtoparkti jańartý kózdelip otyr. Bul rette avtopark taǵy 100 elektroavtobýspen tolyǵady»,– dep atap ótken Altaı Kólginov óz jazbasynda.
