Kommýnaldyq sharýashylyq sýbektileriniń 2 paıyzy ǵana geoaqparattyq júıelerge qosylǵan

ASTANA. QazAqparat – Turǵyn úı-kommýnaldyq sharýashylyq salasyndaǵy 890 tabıǵı monopolııa sýbektisiniń 21-i ǵana geoaqparattyq júıelerge jalǵanǵan. Bul jaıynda QR Indýstrııa jáne ınfraqurylymdyq damý mınıstri Qaıyrbek Óskenbaev Úkimet otyrysynda málim etti, dep habarlaıdy QazAqparat tilshisi.

«Aýmaqtardyń bos qýattary boıynsha derekterdiń ashyqtyǵy ınvestorlar men qarapaıym halyq úshin negizgi problemalardyń biri bolyp esepteledi.

Qazirgi tańda elimizde turǵyn úı-kommýnaldyq sharýashylyq salasynda 890-ǵa jýyq tabıǵı monopolııalar sýbektisi jumys isteıdi. Onyń tek 21-i (2 paıyzy) geoaqparattyq júıelerde jumys isteıdi», - dedi mınıstr.

Vedomstvo basshysynyń málimeti boıynsha, qala qurylysy kadastrynyń júıesi tabıǵı monopolııa sýbektilerine jalǵaný múmkindigi týraly málimetter ashyq bolýyna jol ashpaq.

«Tabıǵı monopolııalar sýbektileriniń jelilerdiń qýattylyǵy men olarǵa qosylý múmkindigi týraly málimetterdi usynýdaǵy problemalyq máseleleri atap ótiledi.

Qala qurylysy kadastrynyń júıesi ınjenerlik ınfraqurylym obektilerine qosylý boıynsha, halyqqa jáne bızneske ashyq málimetter berý úshin tsıfrlyq platformamen qamtamasyz etýge múmkindik beredi», - dedi Qaıyrbek Óskenbaev.