Kommýnaldyq qyzmetterge 15 myń teńge: jaldamaly páterde turatyndarǵa jeńildik qarastyrylmaǵan

ALMATY. QazAqparat – Kommýnaldyq qyzmet shyǵyndaryn óteý erejesinde jaldamaly páterde turatyndarǵa jeńildik qarastyrylmaǵan. Bul týraly Almaty qalasy Energotıimdilik jáne ınfraqurylymdyq damý basqarmasynyń basshysy Áset Masabaev aıtty, dep habarlaıdy QazAqparat tilshisi.

Onyń sózine qaraǵanda, Indýstrııa jáne ınfraqurylymdyq damý mınıstrligi karantın kezinde kommýnaldyq shyǵyndardy óteý erejesine engizgen ózgeristerde jaldamaly páterde turatyndarǵa jeńildik berilmegen.

«Biz óz tarpymyzdan mınıstrlikten jaldamaly páterde turatyndardy da engizý týraly usynys berdik. ıAǵnı, ol bizge baspanany jaldap turyp jatqanyn rastaıtyn kelisimshartty kórsetse, biz tólep bergimiz kelgen. Ókinishke oraı, mınıstrlik usynysymyzdy quptamady»,– deıdi Áset Masabaev.

Aıta keteıik, Memleket basshysynyń tapsyrmasyn oryndaý maqsatynda aǵymdaǵy jyldyń 9 mamyrynda karantın rejımi kezeńinde kommýnaldyq qyzmetterdi jetkizýshilerdiń shyǵyndaryn óteý erejesine ózgerister men tolyqtyrýlar engizildi.