Kommýnaldyq qyzmet ókilinen koronavırýs tabylsa ne bolady
ALMATY. QazAqparat – Almatyda kommýnaldyq qyzmet salasy karantın ahýalynda qalaı jumys isteıdi? Bul jaıynda onlaın brıfıng barysynda belgili boldy, dep habarlaıdy QazAqparat tilshisi.
Qalalyq energetıkalyq tıimdilik pen ınfraqurylymdyq damý basqarmasynyń basshysy Áset Masabaev kommýnaldyq qyzmet ókilinen vırýs tabylsa, qandaı áreket jasalatynyn aıtty.
«Barlyq kommýnaldyq kásiporyndar jumys isteý josparyn jasaqtady. Algorıtm bar. Kommýnaldyq qyzmet ókilderinen vırýs tabylsa, qyzmetkerdi oqshaýlaýǵa barynsha tyrysamyz», - dedi Áset Masabaev.
Spıkerdiń aıtýynsha, qaladaǵy barlyq qyzmetter qashyqtan jumys isteıdi. Esepteý quraldaryn tekserý ádettegi rejimde jalǵasady.
Apat bolǵan jaǵdaıda arnaıy brıgada shuǵyl túrde qalpyna keltirýge shyǵady.
