Kommýnaldyq ınfraqurylymdy jańartýda ońtaıly nátıje bar
«Ozyq halyqaralyq tájirıbe negizinde 2015 jyldan bastap, Qazaqstanda 5 jáne adan artyq merzimdegi shekti uzaqmerzimdi tarıfterdiń jańa tarıftik saıasaty engizildi. Bul óz kezeginde Turǵyn úı kommýnaldyq sharýashylyǵy salasyndaǵy ınvestorlarǵa ınvestıtsııalaý kókjıegin anyqtaýǵa, kásipkerlerge óz qyzmetindegi tarıfterge arnalǵan shyǵyndardy boljaýǵa jáne TKSh ınfraqurylymynyń tozýynyń ósimin toqtatýǵa múmkindik berdi. Jalpy, 2015 jyly kommýnaldyq ınfraqurylymnyń tozýynyń ortasha deńgeıi 66 paıyzdan asty. Jańa tarıftik saıasatty iske asyrý aıasynda tozý deńgeıi ósýin toqtatty, ıaǵnı bul baǵytta ońtaıly nátıje baıqala bastady. 2017 jyldyń qorytyndysy boıynsha ınfraqurylymnyń tozý deńgeıi 64,9 paıyzdy qurady», - dep toqtaldy ol.
Z. Botbaevanyń atap ótýinshe, 2015-2021 jyldary TKSh salasyna salynatyn ınvestıtsııalar kólemi 1,3 trln. teńgeni quraıdy dep kútilýde.
Atap aıtqanda, 2018 jyly tabıǵı monopolııalar sýbektileri (TMS) qyzmetterine tarıfterdi ózgertý 2015 jyldan bastap bekitilgen uzaqmerzimdi shekti tarıfter aıasynda júzege asady. Bul turǵyda ınflıatsııaǵa jıyntyq úles eskeriledi. 2018 jylǵa ınflıatsııaǵa josparly úles 1,1 paıyzdy qurady.
«Sonymen birge, elimizdiń qoldanystaǵy zańnamasynda tabıǵı monopolııalar sýbektileri qyzmetterine tarıfterdi arttyrýǵa moratorıı engizý kózdelmegen», - dep naqtylady komıtet ókili.
Onyń sózine qaraǵanda, tabıǵı monopolııalar sýbektileri qyzmetterine tarıfterdi arttyrýǵa moratorıı engizý TMS-tiń qarjylyq jaǵdaıyn tómendetýge jáne onyń qyzmetin shyǵyndylyqqa ákelýi múmkin. Budan bólek, ınvestıtsııalyq baǵdarlamalardyń iske asyrylýyna qaýip tóndirip, ınfraqurylymnyń tozý deńgeıin arttyrady.
«Moratorıı saldary rettelip kórsetiletin qyzmetterdiń sapasy men senimdiligine teris yqpal etýi múmkin, sondaı-aq moratorıı aıaqtalǵan soń, tarıfterdiń kúrt ósýine alyp keledi», - dedi Zarına Botbaeva.
