Kommýnaldyq apat saldarynan elordadaǵy birqatar úıler sýsyz qaldy
ASTANA. QazAqparat - Astanadaǵy «Jastar» móltek aýdanynda sý qubyry jaryldy, dep habarlaıdy «QazAqparat» HAA tilshisi «Astana sý arnasy» MKK baspasóz qyzmetine silteme jasap.
«20 aqpan kúni Asan Qaıǵy kóshesi aýlasyndaǵy №4 úıde Imanov kóshesinen Kravtsov kóshesine deıingi ýchaskede D=600 mm bolat sý qubyry jaryldy. Basty sebebi - qubyrdyń tot basýy», - delingen habarlamada.
Apatty-qalpyna keltirý jumystary júrgizilip jatqan jerge Astana qalasynyń ákimi Áset Isekeshov kelgen. Ol ákimniń orynbasary Qosman Aıtmuhametov, «Astana sý arnasy» MKK bas dırektory Tabıǵat Zeınulqabden, sondaı-aq basqa da kommýnaldyq qyzmet ókilderiniń qatysýymen kóshpeli jınalys ótkizdi.
«Astana sý arnasy» mamandarynyń aıtýynsha, apat zardaptaryn joıýǵa bir táýlik ýaqyt qajet. Mamandar táýlik boıy jumys jasaıdy. Qazirgi tańda turǵyndar úshin sý tasymaldanýda.
Eske sala keteıik, «Astana sý arnasy» apattyq-dıspetcherlik qyzmetine búgin tańǵy saǵat 5-te habar kelip túken. REÝ-3 brıgadasy quramyndaǵy 12 adam tez arada apattyń aldyn alyp, sý qubyryn japqan.
12:00-degi jaǵdaı boıynsha T. Hýseın kóshesindegi 13, 13/1, 13/2, 15, 15/1, 15/2, 15/3, 15/4; Kravtsov kóshesindegi 2, 2/2, 4, 4/1, 5, 5/1 úılerdegi sý qubyrlary tolyqtaı qalpyna keltirildi.
Qazirgi tańda tómendegi mekenjaı boıynsha jóndeý jumystary júrgizilýde: Asan Qaıǵy kóshesi, №1, 4; Kravtsov kóshesi № 1, 1/1; Tarhan kóshesi № 2, 4, 6, 8, 10.
Qalpyna keltirý jumystary 2017 jyldyń 21 aqpan kúni saǵat 10:00-de aıaqtalady.
