Kommýnaldyq qyzmetter úshin biryńǵaı túbirtek engiziledi
ASTANA. KAZINFORM — Ónerkásip jáne qurylys mınıstrligi kommýnaldyq qyzmetter úshin biryńǵaı túbirtekti engizedi.
Ónerkásip jáne qurylys mınıstrligi óz baqylaýyndaǵy aýmaqtardy tsıfrlandyrý boıynsha belsendi jumys istep jatyr. Ótken jyldyń qarasha aıynan bastap barlyq kommýnaldyq qyzmetke Biryńǵaı túbirtek engizý boıynsha belsendi jumys júrgizilip jatyr.
Bul týraly áleýmettik jelidegi paraqshasynda Ónerkásip jáne qurylys vıtse-mınıstri Jánnat Dúbirova jazdy.
Túbirtek barlyq tólemdi shoǵyrlandyrýǵa arnalǵan. Tóleýshilerge yńǵaıly bolý úshin barlyq aqparat bir túbirtekte jınaqtalady.
- Bizdiń maqsatymyz – bul júıeni qalalarda ǵana emes, aýdan ortalyqtary men aýyldarda da qoljetimdi etý. Bir túbirtek ekinshi deńgeıli bankter arqyly onlaın rejımde beriledi jáne ony ońaı tóleýge bolady. Suranys boıynsha qaǵaz nusqasy da qoljetimdi. Oblys ákimdikteri jumysqa kirisip ketti, birqatar eldi mekende turǵyndar tsıfrlyq túbirtek ala alady. Biz azamattarymyz úshin úderisterdi keńeıtýdi jáne jeńildetýdi jalǵastyramyz, – dep atap ótti Jánnat Dúbirova.