Kommýnaldyq qyzmet: Biryńǵaı tólem qujaty jyl sońyna deıin aýylǵa jetedi

ASTANA. KAZINFORM – Jyl sońyna deıin elimizde kommýnaldyq qyzmet boıynsha biryńǵaı tólem qujatyn aýyldarda qoldaný josparlanyp otyr.

– Kommýnaldyq qyzmet boıynsha biryńǵaı tólem qujatyn aýyl deńgeıinde keńeıtý bıyl IV toqsannyń sońyna deıin aıaqtaý dep josparda bar. Bul elimiz boıynsha kommýnaldyq tólem boıynsha aqparattyq asımmetrııany joıýǵa múmkindik beredi. Óıtkeni qazir biryńǵaı tólem qujaty barlyq aýyldy jáne kommýnaldyq qyzmetti qamtymaıdy. Qazir kommýnaldyq qyzmetti reınjınırıngteý jumystary júrip jatyr, – dedi Jánnat Dúbirova ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq vıtse-mınıstr bıyl IV toqsanda turǵyn úı-kommýnaldyq sharýashylyǵy biryńǵaı platformasyn pılottyq rejımde iske qosý josparlanyp otyr. Ol kelesi modýlderdi qamtıdy:

- Abonentterdiń biryńǵaı bazasy;

- Biryńǵaı tólem qujaty;

- Tsıfrlandyrylǵan kommýnaldyq qyzmet;

- Kommýnaldyq ınfraqurylym men turǵyn úı qorynyń bazasy;

- Analıtıkalyq modýl.

Aıta ketsek, agenttik tilshisi biryńǵaı tólem qujaty ne úshin qajet jáne kimge tıimdi degen taqyrypqa sholý jasaǵan edi.