Kommertsııalyq úı-jaıdyń ıelerine qandaı jaýapkershilik júkteledi
Qarjylyq monıtorıng agenttigi elimizdiń barlyq aýmaǵynda zańsyz oıyn oryndaryn anyqtaý jáne jabý boıynsha sharalar qoldanyp keledi.
Alaıda, eski oryndardy japqanda, jańasy ashylady. Bul zańsyz oıyn bıznesin uıymdastyrý shemalaryna kóp jaǵdaıda eki tulǵanyń qatysýymen baılanysty.
Birinshileri – bıznesti uıymdastyrýshylar.
Ekinshileri – jalǵa berýshiler tulǵasyndaǵy sybaılastar. Bul rette, olar «bıznes shemanyń» qurbany bola otyryp, bar jaýapkershilik jaıly habarsyz.
QMA jalǵa berýshilerdiń de zańsyz oıyn bıznesine úı-jaılardy berý úshin Qylmystyq kodekstiń 307-baby boıynsha qylmystyq jaýapkershilikke tartylýy múmkin ekendigin eske salady.
Jalǵa berýshiler qylmystyq jaýapkershilikten qalaı qutyla alady?
1. Kommertsııalyq úı-jaılardy jaldaýǵa bergende mindetti túrde jalǵa berý shartyn jasańyz.
2. Úı-jaıdy nemese kommertsııalyq aýmaqty tek zańmen ruqsat etilgen qyzmetti júzege asyrý úshin ǵana jalǵa berińiz.
3. Eger siz úı-jaıdy jalǵa berseńiz, al jalǵa alýshy onda zańsyz oıyn avtomattaryn qoısa nemese astyrtyn kazıno uıymdastyrsa – tez arada qarjylyq monıtorıng organdaryna habarlasyńyz.
Ol úshin agenttiktiń resmı akkaýnttaryna jeke habarlamada foto jáne mekenjaıdy joldasańyz nemese +7 (7172) 70-84-78 senim telefonyna habarlassańyz jetkilikti.
Sondaı-aq, barlyq termınaldar zańǵa qaıshy qyzmet etpeıdi. Ulttyq operator el aýmaǵynda óziniń termınaldary arqyly utys oıynyn ótkizý quqyǵyna ıe. Olar sarǵysh-kók tústi. Mindetti túrde logotıp, nómir jáne QR-kod bolýy kerek.