Kommertsııalyq múlikti jalǵa berý baǵasy ósti
ASTANA. QazAqparat - Aǵymdaǵy jylǵy birinshi jartyjyldyqta elimizde kommertsııalyq jyljymaıtyn múlikti jalǵa berý baǵasy 0,8 paıyzǵa ósti.
Bul týraly QR Ulttyq ekonomıka mınıstrligi Statıstıka komıtetiniń baspasóz qyzmetinen habarlandy.
Atap aıtqanda, 2016 jylǵy birinshi jartyjyldyqta óndiristik jaılardy jalǵa berý baǵasy 1,6 paıyzǵa, ákimdik-keńse maqsatyndaǵy jaılardy jalǵa berý 1,1 paıyzǵa ósken.
Aǵymdaǵy jylǵy alty aıda jer asty parkıngterin jalǵa berý baǵasy 7,9 paıyz, dárihanalarda - 4,2 paıyz, valıýtany aıyrbastaý pýnktterinde - 3,2 paıyz, ónerkásiptik bazalarda - 2,7 paıyz, avtomobılderdi jóndeý jáne tehnıkalyq qyzmet kórsetý stansalarynda - 2,6 paıyz, dúkenderde - 1,2 paıyzǵa ósken.
Sonymen bir mezgilde, bank fılıaldaryna arnalǵan oryn-jaılardy jalǵa berý baǵasy 1,3 paıyzǵa, kólik jýý oryndary - 0,9 paıyzǵa, shashtarazdar men sulýlyq salondary - 0,6 paıyzǵa, meıramhanalardy jalǵa berý 0,3 paıyzǵa tómendegen.
