«Kommeks-Ómir» SK» Aktsıonerlik qoǵamy halyqaralyq reıtıngke ıe boldy
ALMATY. Qarashanyń 17-si. QazAqparat /Názıra Eleýhan/ - Moody's Investors Service halyqaralyq reıtıngtik agenttigi, "Turaqty" reıtıngtik boljamy boıynsha «Kommeks-Ómir» SK» AQ qazaqstandyq saqtandyrý kompanııasyna V3 ǵalamdyq shkalasy boıynsha saqtandyrýshynyń qarjylyq turaqtylyq reıtıngin berdi.
Bul týraly búgin arnaıy baspasóz májilisinde saqtandyrý kompanııasynyń ókilderi málim etti, dep habarlaıdy QazAqparat.
«Álemdik ekonomıkadaǵy kúrdeli ahýal jaǵdaıynda halyqaralyq reıtıngtiń berilýi kompanııa ustanymdarynyń turaqtylyǵyn, óz mindetterin tolyq kólemde jáne merziminde oryndaýdaǵy joǵary qabilettiligin jáne de saqtandyrý rynogyndaǵy tekseristen ótken damý strategııasy men joǵary bilikti ári quzyretti menedjmenttiń arqasynda qol jetkizilgen kúshti básekelestik ustanymdaryn kórsetedi», dedi "Kommesk-Ómir" SK" AQ-nyń Basqarma Tóraǵasy Dmıtrıı Jerebıatev.
Jıynǵa qatysýshylardyń pikirinshe, reıtıngtiń jarııa etilýi «Kommesk-Ómir" SK» AQ-nyń móldirligi men ashyqtyǵyn kórsetedi.
Qazirgi ýaqytta Qazaqstannyń saqtandyrý rynogynda 43 saqtandyrý uıymy jumys isteıdi, onyń ishinde úsheýi ǵana halyqaralyq reıtıngke ıe, olar - Eksporttyq nesıelerdi jáne ınvestıtsııalardy saqtandyrý jónindegi memlekettik saqtandyrý korporatsııasy, «Eýrazııa" SK» AQ-y, «Sentras Inshýrans» SK" AQ-y. Endi onyń qataryna «Kommesk-Ómir" SK» AQ-y da kirdi.
«Biz Moody's agenttiginiń reıtıng berýin qol jetkizilgen jetistikterdiń baǵalanýy jáne kompanııa damýynyń korporatıvti strategııasyn júzege asyrýdaǵy jáne halyqaralyq saqtandyrý qoǵamdastyǵyna ıntegratsııalanýdaǵy kezekti qadamy retinde baǵalaımyz. Biz senimdi jáne turaqty kompanııa retindegi bedelimizdi rastaǵanymyzǵa qýanyshtymyz", dep atap ótti "Kommesk-Ómir" SK" AQ-nyń Basqarma tóraǵasy Dmıtrıı Jerebıatev.
