Komıtet shetelden qarjy alatyn tulǵalardyń tizimin jasaýǵa qatysty túsinikteme berdi

ASTANA. QazAqparat – Memlekettik kirister komıteti shetelden qarjy alatyn tulǵalardyń tizilimin jasaýǵa qatysty túsinikteme berdi, dep habarlaıdy QazAqparat.

«2018 jyldan beri Salyq kodeksimen shet memleketterden, sheteldikterden, halyqaralyq jáne sheteldik uıymdardan aqsha nemese ózge de múlik alǵan tulǵalarǵa memlekettik kirister organdaryna eseptilik berýi týraly talap engizilgen bolatyn. 2022 jyly Salyq kodeksiniń 29-babyna túzetýler engizildi. Oǵan sáıkes Memlekettik kirister komıteti óziniń ınternet-resýrsynda (Kgd.gov.kz) sheteldik kózderden aqsha nemese ózge de múlik alǵan tulǵalardyń tizilimin shamamen aldaǵy kúzge deıin jarııalaıdy», - delingen komıtet habarlamasynda.

Komıtet bul shara azamattardyń memleketke, úkimettik emes uıymdarǵa degen senimin arttyrýǵa múmkindik beredi dedi.