Komıtet nelikten bloger Erbolat Janabylovtyń kýrsyn satyp alǵan

ASTANA. KAZINFORM — Búgin elordada ondaǵan avtokólikti utysqa tigip, kýrs uıymdastyrǵan bloger Erbolat Janabylovqa qatysty sot otyrysy ótti. 

Memlekettik mekeme blogerdiń kýrsyn nege satyp alǵan? Bul saýalǵa komıtet ókili jaýap berdi.

— Biz osy kýrsty baqylaý maqsatynda satyp aldyq. Ol jerde birneshe kýrs, birneshe platforma boıynsha, marketpleıster boıynsha oqytý bolady dep usynylǵan. Al shyn máninde tek Taobao (marketpleıs) boıynsha ǵana boldy jáne ol jerde bir ret qana usynylǵan, — dedi sotta Oıyn bıznesin jáne lotereıany retteý komıtetiniń ókili Asylbek Mustafaev.

Kelesi sot otyrysy 2025 jylǵy 15 qyrkúıekte ótedi.

Buǵan deıin Týrızm jáne sport mınıstrligi Oıyn bıznesin jáne lotereıany retteý komıtetiniń ókilderi bloger Erbolat Janabylov jarııalaǵan kýrs baǵasy negizsiz qymbat ekenin málimdegen edi. 

Búgin Astanada bloger Erbolat Janabylovqa qatysty alǵashqy sot otyrysy ótti. 

Sot barysynda bloger Erbolat Janabylovtyń advokaty sýdıadan isti toqtatýdy surady. 

Eske sala ketsek, jelide birneshe avtokólik utysyn jarııalaǵan qazaqstandyq blogerler Erbolat Janabylov pen Elmıra Tólegenova áreketin Týrızm jáne sport mınıstrligi nazaryna aldy. Sońynda is sotqa jetken edi. 

Atalǵan jaıtqa qatysty Týrızm jáne sport mınıstri Erbol Myrzabosynov jeke túsinik berdi.