Komıssııa tikushaq apatynyń sebebin anyqtap jatyr

NUR-SULTAN. QazAqparat - Memlekettik komıssııa Qyzylorda oblysy Jalaǵash aýdanyndaǵy Mı-8 tikushaǵynyń apatqa ushyraýyna sebep bolǵan nusqalardy zerttep jatyr, dep habarlaıdy QazAqparat tilshisi.

OKQ-daǵy baspasóz máslıhatynda QR Qarýly kúshteri QR áskerı-áýe kúshteriniń qolbasshysy Dáýren Qosanovtyń aıtýyna qaraǵanda, QR zańyna sáıkes, kóz jumǵan áskerı qyzmetshilerdiń otbasyna bir jolǵy ótemaqy beriledi. Bul - onyń 5 jyldyq jumysy boıynsha jalaqysy. Sonymen birge, otbasylar qyzmettik baspanany qaıtarymsyz zańdastyryp alýǵa quqyly. Jerleý rásimi boıynsha barlyq shyǵyndar óteledi. Sondaı-aq, otbasynda qansha adamnyń bolýyna baılanysty baspanaǵa qatysty ótemaqy tólenedi. Bul adam basyna qaraı ár áskerı qyzmetshiniń otbasyna ártúrli ótemaqy berilmek.

«Mı-8 - 1988 shyǵarylǵan tikushaq. Almaty qalasyndaǵy №405 avıajóndeý zaýytynda kúrdeli jóndeýden ótken. Zaýyttan shyqqannan keıin tikushaqqa áýede 2000 saǵat nemese 8 jyl ushý resýrsy beriledi. Búginge deıin tikushaq áýede 773 saǵat ushqan. Tehnıkalyq turǵyda tikushaq aqaýsyz. Memlekettik komıssııa tergeý júrgizip jatqandyqtan, Mı-8 tıpti tikushaqtardyń ushýy toqtatyldy. Apta boıy olar tehnıkalyq tekseristen ótedi. Mı-8 - postkeńestik elderdiń ishinde ǵana emes, búkil álemdegi eń adam kóp sııaqtyn tikushaq sanalady. Eń qarapaıym ári senimdi tikushaq. Qazirgi tańda biz Mı-17 jáne Mı-171 tikushaqtaryn, sonymen birge Mı-35 jaýyngerlik tikushaqtaryn satyp alýdamyz. Josparly jumystar júrýde», - deıdi Dáýren Qosanov.

Ol Memlekettk komıssııa tergeý amaldaryn júrgizip jatqanyn atap ótti.

«Nátıjesi resmı túrde habarlanady. Barlyq sebepter saralanýda: tehnıkanyń istemeı qalýy, adamı faktor jáne meteojaǵdaı. Men komıssııa múshesi emespin. Sol sebepti, ol jaıynda pikir bildirýge qaqym joq. Qara jáshik memlekettik komıssııada. Ony tekserý quyǵy bizde joq», - deıdi Dáýren Qosanov.

Eske salaıyq, 27 naýryz kúni keshke Qyzylorda oblysynyń Jalaǵash aýdanynda MI-8 tikushaǵy apatqa ushyrady.

Qorǵanys mınıstrliginiń aqparatyna sáıkes, atalǵan tikushaq Aqtaý qalasynan Shymkentke bet alǵan 4 áskerı tikushaq quramynda bolǵan. Barlyq ekıpaj múshesi - 13 adam qaza tapqan edi.

Qorǵanys mınıstrligi qaza tapqan áskerı qyzmetshilerdiń esimderi men fotosýretterin jarııalady.