Komıssııa otyrysynda azamattardyń bilikti medıtsınalyq kómek alýdaǵy quqyqtaryn qamtamasyz etý jaıy talqylandy
ASTANA. Qyrkúıektiń 22-si. QazAqparat /Ernur Aqanbaı/ - Búgin Saǵynbek Tursynovtyń tóraǵalyǵymen QR Prezıdenti janyndaǵy Adam quqyqtary jónindegi komıssııanyń Densaýlyq saqtaý mınıstrliginiń azamattardyń densaýlyǵyn qorǵaý jáne bilikti medıtsınalyq kómekti alý úshin konstıtýtsııalyq quqyqtaryn qamtamasyz etý jónindegi qyzmetine arnalǵan kezekti otyrysy ótti.
Otyrysta medıtsına qyzmetkerleriniń eńbekaqy tóleý júıesin jetildirý, resýrstardy tıimdi paıdalaný, joǵary tehnologııalyq medıtsınalyq kómekke qol jetimdilik, medıtsınalyq qyzmetterdiń sapasy, básekege qabilettiligi jáne qaýipsizdigi týraly máseleler talqylandy. Sonymen qatar, densaýlyq saqtaýdy júıeli jańǵyrtý, adamdardyń ómir sapasyn túbegeıli kóterý maqsatynda zamanaýı ınnovatsııalardy engizý, olardyń densaýlyǵyn jaqsartý máseleleri sóz boldy. Talqylaý barysynda azamattardyń densaýlyǵyn qorǵaý jáne bilikti medıtsınalyq kómek alýdaǵy konstıtýtsııalyq quqyqtaryn qamtamasyz etýdi sheshý - bul keshendi, beınetti ári maqsatty mindet ekendigi aıtylyp, onyń nátıjesi barshanyń jáne árkimniń kúsh salýyna baılanysty ekendigi atap ótildi. Komıssııanyń atalǵan problemalardy sheshýdi jetildirý jónindegi usynym qorytyndysy Parlament pen Úkimettiń nazaryna jetkiziletin bolady.
