Komıssııa memleketke 630 mlrd teńgeden astam qarjy men múlikti qaıtardy - Bas prokýror

ASTANA. QazAqparat - Aktıvterdi qaıtarý jónindegi komıssııa memleketke 630 mıllıard teńgeden astam qarjy men múlikti qaıtardy. Bul týraly Bas prokýror Berik Asylov Twitter jelisindegi paraqshasyna jazdy, dep habarlaıdy QazAqparat.

Jazbadaǵy derekterge qaraǵanda, k eden salasyndaǵy prokýrorlardyń aktileri boıynsha memleket bıýdjeti 57 mlrd teńgemen tolyqqan. Sonymen qatar 5 mlrd teńgege 140 myń gektar jer memleket menshigine qaıtarylǵan.

«Sondaı-aq 13,5 mlrd teńgege memleket múlkin qaıtarý týraly sotqa talap-aryzdar jiberildi.

Joǵarǵy sot 16 narazylyqty qanaǵattandyrdy. Ondaǵy málimetterge súıenip, qazynaǵa taǵy 23 mıllıard teńge túsedi degen boljamymyz bar» - degen Berik Asylov bul baǵyttaǵy j umys jalǵasyp jatqanyn da atap ótti.

Foto: twitter.com/Asylov_GenPr