Kómirtekti beıtaraptyqqa qol jetkizý strategııasy jobasy daıyndalýda

NUR-SULTAN. QazAqparat - Qazaqstanda 2060 jylǵa deıin Kómirtekti beıtaraptyqqa qol jetkizý strategııasynyń jobasy daıyndalýda, dep habarlaıdy QazAqparat.

Ulttyq ekonomıka vıtse-mınıstri Abzal Ábdikárimovtiń aıtýynsha, qazirgi ýaqytta bul joba pysyqtalýda, ol ekonomıkanyń barlyq salalaryna áser etýdi baǵalaı otyryp, energııaǵa kóshýge jáne ESG turaqty damý tásilderi negizinde teńgerimdi saqtaýǵa baǵyttalǵan.

«Strategııa jobasyna klımat salasyndaǵy halyqaralyq kún tártibi, tásilder, damý kezeńderi men stsenarııleri, sondaı-aq kómirtekti beıtaraptyqqa qol jetkizý tetikteri sııaqty mańyzdy baǵyttar engizilgen. Qazaqstan klımattyń ózgerýine qarsy kúreske óziniń beıildiligin bildip, qazirgi syn-qaterlerge qaramastan, Parıj kelisimi sheńberindegi maqsattarǵa qol jetkizý úshin bar kúshin salady. Bul birlesken jáne jemisti jumysqa tikeleı baılanysty», - dedi Ábdikárimov.