Kómirtegi beıtaraptylyǵyna qol jetkizý úshin 650 mlrd dollar ınvestıtsııa qajet

NUR-SULTAN. QazAqparat – Kómirtegi beıtaraptylyǵyna qol jetkizý úshin 650 mlrd dollar ınvestıtsııa qajet. Bul týraly QR Ekologııa, geologııa jáne tabıǵı resýrstar mınıstri Serikqalı Brekeshev aıtty, dep habarlaıdy QazAqparat tilishsi.

«Kómirtegi beıtaraptylyǵyna qol jetkizý úshin esepteýler 40 jyldyń ishinde tómen kómirtekti tehnologııalarǵa shamamen 650 mlrd dollardyń qajet ekendigin kórsetti. Bul rette ınvestıtsııanyń 80 paıyzdan astamy 2040 jyldan keıin qajet bolady», dedi ol «Parıj kelisiminiń maqsattaryna qol jetkizý joldary jáne Qazaqstannyń kómirtegi beıtaraptylyǵy» halyqaralyq konferentsııasy barysynda.

Onyń atap ótýinshe, 40 jyldyń ishinde elektr jáne jylý energııasyn óndirý sektoryna 305 mlrd dollar, kólik salasyna 167 mlrd dollar, taý-ken óndirý óndirý jáne óńdeý ónerkásibi salasyna 65 mlrd dollar, turǵyn úı-kommýnaldyq sharýashylyǵyna, aýyl sharýashylyǵyna 49 mlrd dollar, sonymen qatar kómirtekterdi tutý jáne saqtaý tehnologııalaryna 10 mlrd dollar qajet.

«Buǵan qosa, modeldeý baǵalaýyna sáıkes kómir munaı men gaz óndirý sektorlaryna ınvestıtsııa qysqarady. Óıtkeni, uzaqmerzimdi keleshekte bul resýrstarǵa suranys tómendeıdi», -dedi Serikqalı Brekeshev.