Kómirdiń baǵasy nege qymbat
ASTANA. QazAqparat - QR Energetıka mınıstrliginiń elektrenergetıka jáne kómir ónerkásibi departamenti dırektory orynbasary Talǵat Ábilǵazynyń aıtýynsha, razrezdiń óz basynda kómirdiń baǵasy 8 myń teńge turady, dep xabarlaıdy QazAqparat tilshisi.
«Qazirgi kezde respýblıka boıynsha 400-ge jýyq kómir óndirý keni bar. Atalǵan razrezderdiń bári baǵany ózderi belgileıdi. Sebebi Qazaqstanda kómirdiń baǵasy memleket tarapynan rettelmeıdi. Zańda qandaı da bir shekteý sharalary qarastyrylmaǵan.
«Búginde kómirdi óndirý quny 3-5 myń teńgeni (bir tonnasy - avt.) quraıdy. Al razrezdiń ózinde 8 myńǵa deıin barady. Odan keıin osy kómirdi tutynýshyǵa jekizý taǵy bar. Sosyn alypsatarlar bolady. Bunyń barlyǵy - naryqtyq jaǵdaı. Baǵany da naryq anyqtaıdy, kómirdiń quny suranysqa qaraı ózgeredi», - dedi Ábilǵazy.
Onyń sózine qaraǵanda, qazirgi kezde respýblıka boıynsha kómir tapshylyǵy joq. Al Qazaqstandaǵy kómirdiń jalpy qory áli 300 jylǵa jetedi.
