Kómirdi avto jáne temirjol kóligimen áketýge shekteý engizilmek
ASTANA. QazAqparat – Kómirdi avtokólikpen jáne temirjol kóligimen áketýge shekteý engizilmek. Bul týraly Úkimet otyrysynda Indýstrııa jáne ınfraqurylymdyq damý mınıstri Marat Qarabaev aıtty, dep habarlaıdy QazAqparat tilshisi.
«2022-2023 jylytý maýsymy aıaqtalýǵa jaqyn. 2022 jyldyń qorytyndysy boıynsha 113,9 mln tonna kómir óndirildi. Bul 2021 jyldyń kórsetkishinen 2 paıyzǵa kóp», - dedi mınıstr.
Onyń dereginshe, aǵymdaǵy jylý maýsymyna halyq pen kommýnaldyq-turmystyq sektor úshin kómirdiń josparly qajettiligi shamamen 9 mln tonnany qurady. Óńirlerge qatty otyn tolyq kólemde jetkizildi.
«Aldaǵy 2023-2024 jyldardaǵy jylý maýsymyna daıyndyq maqsatynda mınıstrlik bıýdjettik uıymdar men halyqty kómirmen qamtamasyz etý boıynsha naqty merzimderi kórsetilgen is-sharalar josparyn ázirlep, jergilikti atqarýshy organdarǵa joldady. Aldaǵy jylytý kezeńinde kommýnaldyq-turmystyq kómirdiń jetispeýshiligin boldyrmaý maqsatynda mınıstrlik kómir óndirýshi kásiporyndardy qospaǵanda, kómirdi avtokólikpen jáne temirjol kóligimen áketýdi shekteýge baǵyttalǵan aldyn alý sharalaryn qabyldaýda», - dedi Marat Qarabaev.
