Kómir tıelgen vagonmen Reseıge ótip ketpek bolǵan
ASTANA. 15 maýsym. QazAqparat - Qazaqstandyq azamat kómir tıelgen vagonnyń ishine tyǵylyp, Reseı Federatsııasyna ótip ketpek bolǵan.
Reseı Federatsııasy Qorǵan oblysynyń prokýratýrasy habarlaǵandaı, osy aıdyń basynda Presnogorkovskaıa - Qorǵan baǵytyndaǵy júk poıyzymen memlekettik shekarany zańsyz kesip ótken 54 jastaǵy Qazaqstan azamaty ustaldy. Onyń Reseıge shyǵýǵa ruqsat beretin qajetti qujattary da bolmaǵan.
Búginde memlekettik shekarany zańsyz buzý faktisi boıynsha qylmystyq is qozǵaldy. Prokýratýranyń sheshimine sáıkes, qazaqstandyq azamat qamaýǵa alyndy.
