Kómir tasymaldaıtyn vagondar sany 16 myńǵa jetkizildi
NUR-SULTAN. QazAqparat – Óńir turǵyndaryn kómirmen qamtamasyz etý úshin vagondar sany 16 myńǵa jetkizildi. Bul týraly QR Premer-Mınıstriniń orynbasary Roman Sklıardyń depýtattar saýalyna jaýabynda aıtylǵan, dep habarlaıdy QazAqparat tilshisi.
«Júk jóneltýshilerdi vagondarmen qamtamasyz etý úshin «Qazaqstan temir joly» UK» AQ birqatar operatıvtik is-sharalar qabyldady. Onyń ishinde kómir tasymaldaýǵa jumyldyrylǵan ashyq vagondardyń sany ulǵaıtyldy. Qazirgi ýaqytta ashyq vagondardyń sany 13 myń danadan 16 myń danaǵa deıin ulǵaıtyldy», - delingen Roman Sklıardyń Májilis depýtattary saýalyna bergen jaýabynda.
Sonymen qatar ol kómir tasymaldaý úshin kórshiles temirjol ákimshilikteriniń ashyq vagondary tartylǵanyn atap ótedi.
«Qaztemirtrans» AQ-nyń ashyq vagondaryna basqa nomenklatýralyq júkterdi jáne eksportqa júk tıeýler shekteldi. Jylý elektr stantsııalaryna jóneltý jumystary kún saıynǵy baqylaýda tur. Aınalma baǵdarlar uıymdastyryldy. Jyljymaly qurammen qamtamasyz etilýde», - dedi Úkimet basshysynyń orynbasary.
