Kómir tapshylyǵyn joıý: Qaraǵandy oblysynda biryńǵaı keste qurylady
QARAǴANDY. QazAqparat - Qaraǵandy oblysynda jylytý maýsymynda dúrlikpe bolmaýy úshin halyqty kómirmen qamtý máselesi aldyn ala oılastyrylýda, dep habarlandy óńir basshysynyń resmı saıtynda.
Oblystyq ákimdikte kómir shyǵarýshy kásiporyndar, «Qazaqstan temir joly» ókilderi jáne kómir satýshylardyń qatysýymen kezdesý ótti. Qol jetkizilgen sheshimder týraly apparattyq jınalys barysynda oblys ákiminiń orynbasary Almas Aıdarov málim etti.
"Jalpy oblys boıynsha 2018 jyly kómir óndirý kólemi 38 mln tonnaǵa deıin barady dep josparlanýda. Turǵyndarǵa arnalǵan kommýnaldyq-turmystyq kómirdi túsirýdi aǵymdaǵy jyly 1 mln tonnaǵa deıin ulǵaıtý josparlanyp otyr. Oblysta barlyǵy kommýnaldyq-turmystyq kómirdi túsiretin alty negizgi jetkizýshi bar. Eń kóp suranysqa ıe Shubarkól kómiri halyq úshin bıylǵy jyly 13,4% deıin ulǵaıtylady", - dedi oblys ákiminiń orynbasary.
Onyń aıtýynsha, qazirgi tańda oblystyń qalalary men aýdandaryna kómir jetkizýdiń biryńǵaı kestesi qurylyp jatyr.
"Bizdiń negizgi mindetimiz aýdan ákimderimen birigip, maýsym aıynan bastap jylytý maýsymyna qajetti kómirdi ýaqtyly jetkizýdiń júıeli jumysyn bastaý bolyp tabylady", - dep atap ótti Almas Aıdarov.
Foto: topwar.ru
