Kómir baǵasynyń negizsiz kóterilýiniń naqty sebepteri jarııalanady

ASTANA. QazAqparat - QR Ulttyq ekonomıka vıtse-mınıstri Serik Jumanǵarın Qazaqstanda kómir baǵasynyń negizsiz kóterilýine qatysty pikir bildirdi, dep habarlaıdy QazAqparat.

«Ózderińiz bilesizder, buǵan qatysty jaǵdaı ótken jyldyń qarashasynda bastalǵan bolatyn. Baǵanyń kóterilýi men kómirdiń jetispeýshiligine qatysty boldy. Úkimet otyrysy barysynda kómir qunyn retteýge baılanysty usynystardy ázirleý men baǵanyń kóterilýi sebepterin anyqtaýǵa tapsyrma berildi. Osyǵan baılanysty biz tekserý sharalaryn bastaǵan edik jáne bul jumystar aıaqtalýǵa jaqyndady. Básekelestik salasyndaǵa biraz buzýshylyqtardy anyqtadyq», - dedi Jumanǵarın.

Vıtse-mınıstr tekseris aıaqtalǵanan keıin, vedomstvo naqty aqparatty jarııalaıtynyn atap ótti.

Onyń sózine qaraǵanda, baǵany kómir karerleri kóterip jatqan joq. Buǵan deldaldar deńgeıindegi buzýshylyqtar yqpal etýde.

Budan buryn habarlanǵandaı, QR Energetıka mınıstrligi kómirdi jóneltý syzbasyn qaıta qaraýdy usyndy.