Kómir baǵasynyń kúrt ósýine jol bermeý kerek – Álıhan Smaılov

NUR-SULTAN. QazAqparat – Kómir baǵasynyń kúrt ósýine jol bermeý kerek. Bul týraly Úkimet otyrysynda Premer-Mınıstr Álıhan Smaıylov tapsyrdy, dep habarlaıdy QazAqparat tilshisi.

«Jalpy óńir ákimdikteri jylytý maýsymyna daıyndyq jumystaryn kestege saı júrgizip jatyr. Qostanaı, Almaty, Qyzylorda, Batys Qazaqstan oblystary áleýmettik sala obektileri men turǵyn úılerdi jylytý maýsymyna daıyndaý josparyn 100% oryndady. Degenmen, turǵyn úılerdiń daıyndyǵyn kesteden keshiktirý faktileri de bar. Mysaly, Pavlodar oblysynda - 66,5%. Halyqqa jylý ýaqytymen berilip, kómir jetkizýge baılanysty problema bolmaýy tıis», - dedi Á.Smaılov.

Osy oraıda Úkimet basshysy kómir tapshylyǵy jyl saıyn qaıtalanatyn úırenshikti jaǵdaıǵa aınalyp bara jatqanyn eskertti.

«Kómirge degen uzyn-sonar kezek, baǵanyń kúrt ósýi, ýaqytynda jetkizilmeýi, óńirlerde kómir qoryn der kezinde jınap almaý – osynyń barlyǵy halyqtyń narazylyǵyna alyp keledi. Buǵan jol berýge bolmaıdy. Jylytý maýsymyna deıin az ǵana ýaqyt qaldy. Soltústik óńirlerge sýyq erte túsedi. Sondyqtan jylytý maýsymyn qyrkúıektiń sońynda bastaý josparlanǵan. Demek, daıyndyq jumystaryn barynsha tezdetý qajet», - dedi Premer-Mınıstr.

Foto: primeminister.kz