Kómir baǵasyn kótergender mıllıondap aıyppul tóleıdi
KÓKShETAÝ. QazAqparat- Kókshetaýda kómir baǵasyn negizsiz kótergen birqatar kəsipkerler əkimshilik jaýapkershilikke tartyldy, dep habarlaıdy QazAqparat tilshisi sottyń baspasóz qyzmetine silteme jasap.
QR Ulttyq ekonomıka mınıstrliginiń Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıtetiniń Aqmola oblystyq departamenti tarapynan tekseris júrgizildi.
Onda «Kosygın» JK, «Joldyqov» JK, «Qazaqstannyń bólshek kómir jelisi» JShS, «IVVI» JShS, «SeverEnergoÝgol Snab» JShS ózara kelise otyryp, 2017 jyldyń naýryz-səýir, tamyz-qazan aılarynda Kókshetaýda kómir baǵasyn esh negizsiz kótergeni jəne ustap turǵany anyqtaldy.
Osylaısha, olar QRƏQbK 159 babynyń 2 bóligine səıkes zań buzýshylyq jasaǵan.
Sol kezeńde turǵyndar tarapynan kómirdiń tapshylyǵy týraly kóptegen shaǵym túsken. Kómir satatyn oryndarda kómirdiń tapshylyǵyn paıdalanyp, kóterme saýda-sattyq jasaýshylar onyń baǵasyn esh negizsiz kótergen.
«Quzyretti organdar naryq sýbektileri usynǵan materıaldardy zertteı kele, tekseris júrgizilgen merzimde jetkizip berýshiler tarapynan kómir baǵasynda ózgeris bolmaǵanyn anyqtady. Buǵan qosa, salyq jəne QR ózge de zańnamasynda, tutyný dınamıkasynda, tabıǵı monopolııalar sýbektileriniń qyzmet kórsetý tarıfinde, óndiriste qoldanylatyn taýarlar jəne shıkizat baǵasynda ózgerister bolǵan joq, sondaı-aq, aıtylǵan merzimde taýar satý da júrgizilmegen», -dep kórsetilgen qaýlyda.
Osyǵan oraı, qaraǵandylyq «Kosygın» JK-ge 3,416 mıllıon teńge aıyppul salyndy. Zańsyz túsken tabys 23,3 mıllıon teńge aqshasy memleketke kiris retinde tárkilendi.
Sonymen qatar, astanalyq «SeverEnergoÝgol Snab» JShS-na 2,9 mıllıon teńge kóleminde aıyppul salyndy.
Bulardyń da zańsyz tapqan 27,8 mıllıon teńge aqshasy memleketke kiris retinde tárkilendi.
