Kómir, astyq jáne áleýmettik mańyzdy taýarlardyń saýda júıesin qadaǵalaý jalǵasady

ASTANA. QazAqparat – Qarjy mınıstriniń kómir, astyq jáne áleýmettik mańyzy bar taýarlardyń qozǵalysyn elektrondy shot-faktýra arqyly baqylaý jobasynyń merizimin uzartý týraly buıryǵy shyqty, dep habarlaıdy QazAqparat tilshisi.

Atalǵan buıryqtyń kúshi 2023 jyldyń 31 jeltoqsanyna deıin uzartylmaq.

Bul buıryq Qazaqstannan atalǵan úsh sanattaǵy taýarlardy ımporttaýshylardyń, jer qoınaýyn ıgerýshiler men taýar jetkizýshilerdyń jumysyn retteýge baǵyttalǵan. Naqtyraq aıtsaq, qosymsha qun salyǵy boıynsha tirkeý esebine alynbaǵan salyq tóleýshiler zańdy tulǵalar men kásipkerlerge astyq, kómir jáne áleýmettik mańyzy bar taýar satqan kezde elektrondy shot-faktýra jazyp berýge mindetteledi. Al ózi paıdalaný úshin satyp alǵan naqty tutynýshyǵa kóterme baǵasyz satqan jaǵdaıda bul talap mindetti emes.

Buıryq 18 qańtar kúshine engenimen, quqyqtyq qatynasta 2023 jyldyń 1 qańtarynan bastalǵan mámilelerge áseri bar.