Komendanttyq saǵat rejımin buzǵan kásipkerler lıtsenzııasynan aıyrylýy múmkin - elorda

NUR-SULTAN. QazAqparat – Elordada tótenshe jaǵdaı rejımin buzǵan 75 adamnyń ústinen ákimshilik is qozǵaldy, dep habarlaıdy QazAqparat tilshisi.

«Elordadaǵy jaǵdaı turaqty. Saǵat 23.00-den bastap tańǵy 07.00-ge deıin komendanttyq saǵat jalǵasýda. Qala perımetri boıynsha 6 blokbeket táýliktik rejımde jumys isteýde. Bir táýliktiń ishinde qalada 6 qylmys jáne 98 jol-kólik oqıǵasy tirkelgen. 75 adam tótenshe jaǵdaı rejımin buzǵan, olarǵa qatysty Qazaqstan Respýblıkasy ÁQBtK-niń 476-baby boıynsha ákimshilik is qozǵaldy», - dep atap ótti Nur-Sultan qalasy komendatýrasynyń baspasóz qyzmetinen.

Komendatýra málimetinshe, táýlik ishinde komendanttyq saǵat rejımin buzǵany úshin 5 kásipkerlik sýbektisiniń jumysyna tosqaýyl qoıyldy. Olardyń ıelerine qatysty lıtsenzııasynan aıyrýǵa deıingi qatań jaza qoldanylatyn bolady. Qoldanystaǵy zańnamaǵa sáıkes tótenshe jaǵdaı rejıminiń talaptaryn buzǵany úshin jaýapkershilik kúsheıtildi. Memlekettik nómiri joq 3 avtokólik anyqtalyp, kommýnaldyq turaqqa qoıyldy.

«Qarbalas ýaqyt» kezeńinde blokbeketterde avtokólikter kóbeıip ketetindikten, qala komendatýrasy azamattarǵa ózderiniń baratyn baǵyttaryn aldyn ala josparlaýǵa jáne qabyldanǵan sharalarǵa túsinistikpen qaraýǵa keńes beredi.