Komendanttyq saǵat: Aqtóbede taǵy 92 adam ákimshilik jaýapqa tartyldy
Aqtóbe qalasynyń jáne aýdan ortalyqtarynyń shyǵa berisinde 10 blokbeket ornatylǵan. Bir táýlik ishinde blokbeketter arqyly 10 myńǵa jýyq kólik ótedi. Munda polıtsııa men áskerıler júrgizýshi men jolaýshy qujattaryn, kólik salonyn tekseredi.
«11 qańtarda «Samara-Shymkent» tasjolynda OQO turǵyny ustaldy. Onyń Reseıden «Gazel» avtokóligin urlap áketkeni belgili boldy. Sol kúni taǵy bir jeńil kólikten 16 kalıbrli IJ ańshy myltyǵy tabylyp, tárkilendi. Myltyq ıesine ákimshilik hattama toltyryldy», - dedi oblystyq PD baspasóz qyzmetiniń jetekshisi Erbolat Sarqulov.
Ótken túni komendanttyq saǵatty búzǵany úshin polıtsııa bólimderine 147 azamat jetkizildi. Onyń 92-si ákimshilik jaýapqa tartyldy. Bılik ókilderine qatysty zorlyq-zombylyq kórsetý, ǵımarattarǵa shabýyl jasaý, jappaı tártipsizdik uıymdastyrý, terrorızm aktileriniń barlyq faktisi boıynsha sotqa deıingi 11 tergeý bastaldy. Asa aýyr qylmys jasady degen kúdikpen 7 adam ýaqytsha ustaý ızolıatoryna qamaldy.
