Kómekti zattaı jetkizý qıyndaý, qarjylaı aýdarǵan tıimdirek - Túrkııanyń Aqtaýdaǵy bas konsýly

AQTAÝ. QazAqparat – Túrkııanyń Aqtaýdaǵy bas konsýldyǵy zilzaladan zardap shekkenderge qarjylaı kómek jiberýge nıettiler úshin arnaıy shot ashylǵanyn málim etti, dep habarlaıdy QazAqparat tilshisi.

Mańǵystaý oblysy men Aqtaý qalasynyń turǵyndary ózderiniń kómekterin barynsha tıgizip jatyr. Qol sozǵysy keletin jandarǵa, kıim men gıgıenalyq quraldardy qazirgi tańda jetkizý qıynǵa soǵýy múmkin ekenin aıtqym keledi. Sebebi, zilzaladan soń kóptegen jol qırap, áýe qatynastary jabylǵan. Jınalǵan gýmanıtarlyq kómekti shekaradan ótkizý eki ese qymbatqa shyqpaq. Sondyqtan, kómek kórsetkisi keletin azamattarǵa qarjylaı aýdarym jasaǵan tıimdirek ekenin jetkizgim keledi

, - deıdi Túrkııa Respýblıkasynyń Aqtaý qalasyndaǵy bas konsýly Sabrı Alptekın.

Aıtýynsha, baýyrlas túrki elindegi apatqa baılanysty qarjylyq jáne materıaldyq kómek naýqany óńirde 7 aqpannan bastalǵan. Al, 8 aqpan kúni Túrkııanyń Aqtaýdaǵy bas konsýldyǵynda kóńil aıtý kitaby ashyldy. Óńir azamattary baýyrlas halyqtyń qaıǵysyna ortaqtasyp, kóńil bildirip jatyr.

Al, qarjylaı kómek jiberý úshin arnaıy shot ashylǵan: 5354 5700 2979 2895 karta nomerine jáne KZ43885102870D1ZLV00 (SWIFT CODE: KZIBKZKA) memlekettik arnaıy shot nomerine joldaýǵa bolady.