Kómekke muqtaj jandar máselesi tikeleı efırde sheshimin tabady - Ulttyq arna
NUR-SULTAN. QazAqparat – Kúzgi telemaýsymda «Qazaqstan» Ulttyq arnasynda áleýmettik baǵyttaǵy «Niet» baǵdarlamasy efırge shyǵady,- dep habarlaıdy QazAqparat «Qazaqstan» RTRK» AQ Baspasóz qyzmetine silteme jasap.
Eki saǵat boıy tikeleı efırde ótetin jańa baǵdarlamada kómekke muqtaj jandardyń máselesi sheshimin tappaq.
«Jobanyń negizgi maqsaty – túrli sebeptermen qıyndyqqa tap bolyp, tyǵyryqtan shyǵar jol izdegen jandarǵa járdem berý. Onda aýqymdy sarapshylar pýly qurylyp, quqyq qorǵaý organdary, Halyqqa qyzmet kórsetý ortalyǵy, qarjy, bilim berý, densaýlyq saqtaý jáne áleýmettik máseleler boıynsha ózge de uıymdardyń kásibı mamandary tartyldy. Baǵdarlamada psıhologııalyq kómek túrlerinen bastap, qoǵam qajettiligi men talqysyndaǵy baspana, kvota, bala asyrap alý máseleleri boıynsha naqty kómek sharalary qabyldanady», - delingen habarlamada.
Árbir habar belgili bir adamnyń, otbasynyń máselesine arnalyp, arnaıy sarapshylardyń aqyl-keńesimen baǵdarlamaǵa berilgen eki saǵat ishinde sheshimin tabady.
Baǵdarlama Gúlnaz Álimgereıdiń júrgizýimen 9 qyrkúıekten bastap dúısenbi-juma aralyǵynda efırge shyǵady.
Aıta keteıik, kúzgi jańa maýsymda «Qazaqstan» Ulttyq arnasynan 14 jańa joba efırge shyǵady. Osyǵan deıin kórermen yqylasyna bólenip úlgergen 10 baǵdarlama jańasha formatta qaıta usynylady.
