«Kómek-2020»: Qaraǵandy oblystyq qoǵamdyq qoryna 270 mln teńge tústi

Jarnalardy YDD Corporation, QazCarbon, «Qazaqmys» korporatsııasy, «Qaraǵandy Energotsentr» JShS, Qurylys jáne jol kompanııalary jáne basqa da kásiporyndardyń eńbek ujymdary jasady. Bir kúndik jalaqyny oblystyń memlekettik qyzmetshileri de aýdardy, dep habarlaıdy QazAqparat tilshisi.

Qorǵa taýarlar men qyzmetterdiń sapasy men qaýipsizdigin baqylaý departamenti (SES) jáne Densaýlyq saqtaý basqarmasy júgindi. Olardyń ótinimderi boıynsha 104 mln teńge jumsaldy. Atalmysh qarajat dezınfektsııa úshin jabdyqtar, dári-dármekter, sondaı-aq dárigerler úshin jeke qorǵaný quraldaryn satyp alýǵa jumsaldy.

«SEQ úshin 254 aspaly búrikkish satyp alyndy. Onyń 56 danasy Qaraǵandyda paıdalanylýda. Qalǵandary aımaqtar boıynsha bólinedi», - dep habarlady Qor ókilderi.

Esterińizge sala keteıik, Qaraǵandyda koronavırýstyń taralýymen kúresý úshin «Kómek-2020» oblystyq qoǵamdyq qory qurylǵan bolatyn. Qarajatty jumsaýdy Qamqorshylyq keńes júzege asyrady. Onyń quramyna belgili qaraǵandylyqtar: medıtsına ǵylymdarynyń doktory, professor, QR Memlekettik syılyǵynyń ıegeri Qanı Musulmanbekov; Qaraǵandy oblysy ákiminiń «Rýhanı jaǵyrý» baǵdarlamasyn júzege asyrý jónindegi keńesshisi, Qazaqstan halqy Assambleıasynyń múshesi, oblystyq máslıhat depýtaty Bekzat Altynbekov; «Qaraǵandy medıtsına ýnıversıteti» KEAQ rektorynyń keńesshisi, Qazaqstan halqy Assambleıasynyń ǵylymı-saraptamalyq tobynyń múshesi Vılen Molotov-Lýchanskıı; QR eńbek sińirgen óner qaıratkeri, QR Jazýshylar Odaǵynyń múshesi Serik Aqsuńqaryly; QR eńbek sińirgen jattyqtyrýshysy, sport salasynyń Qurmetti qaıratkeri Valerıı Gromov kirdi.

Kez kelgen adam óz úlesin qosa alady.

Derektemeler:

«Kómek-2020» qoǵamdyq qory

BIN 200 340 023 764

Kbe 18

Indeks 100009

Qaraǵandy q., S. Seıfýllın k-si, ½ úı

IIK KZ8896509F0007987318

BIK IRTYKZKA

Qaraǵandy qalasyndaǵy «ForteBank» AQ fılıaly