Kombaınshy egis alqabynan granata taýyp aldy
PAVLODAR. QazAqparat - Tereńkól aýdanynda aýyl turǵyny alqaptan granata taýyp aldy, dep habarlaıdy pavlodarnews.kz.
Bul týraly oblystyq polıtsııa departamentiniń baspasóz qyzmeti málim etti.
27 tamyz kúni saǵat 15:15-te Tereńkól aýdanynyń kezekshi bólimine Trofımovka aýylynyń 1986 jyly týǵan, kombaınshy bolyp jumys jasaıtyn turǵynynan qońyraý kelip túsken. Ol aýyldan 200 metr qashyqtyqtaǵy alqaptan qol granatasyna uqsas zat taýyp alǵan. Jedel tergeý toby jáne saperler anyqtalǵan jerge bardy. Tekserý jasaldy. Qol granatasy oqý-jattyǵýǵa arnalǵan bolyp shyqty.
