Kombaındy aıdap ketip, eki jylǵa sottaldy

ASTANA. QazAqparat - Belarýstaǵy Ivatsevıcheskıı aýdanynyń turǵyny astyq jınaıtyn kombaındy aıdap ketkeni úshin eki jylǵa bas bostandyǵynan aıyryldy.

 Sondaı-aq ol 2,3 myń Br kóleminde aıyppul tóleıdi, dep málim etti Brest oblysynyń prokýratýrasy BELTA agenttigine.

Shilde aıynyń sońynda jeke kásiporyn jumysshysy mas kúıde astyq jınaıtyn kombaındy aıdap ketken. Memlekettik avtoınspektsııa qyzmetkerleri jolyn bógegendikten, ol alysqa uzaı qoıǵan joq.

Ivatsevıcheskıı aýdandyq sotynyń úkimimen buzaqy jol júrý erejesin buzyp, kólik quralyn zańsyz basqarǵany, sondaı-aq, jazany oryndaýdan jaltarǵany úshin (buǵan deıin júrgizý quqyǵynan aıyrylǵan) kináli dep tanyldy.  Oǵan qatysty túzeý mekemesine jibermesten, 2 jylǵa bas bostandyǵynan aıyrý jazasy kesildi.