Qaýipti tsıklon: Komandor araldarynda joǵary daıyndyq rejımi engizildi
ASTANA. KAZINFORM — Kamchatkadaǵy Komandor araldarynyń jalǵyz eldi mekeni — Nıkolskoe aýylynda tsıklonnyń jaqyndaýyna baılanysty kúshter men tehnıkalar joǵary daıyndyq rejımine aýystyryldy. Bul týraly TASS agenttigine óńirlik úkimet habarlady.
«Joǵary daıyndyq rejımi engizildi. Nıkolskoe aýylynda qatty jelmen birge tsıklonnyń ekinshi tolqyny kútilip otyr. Qajet bolǵan jaǵdaıda qosalqy energııa kózderi qosylyp, jedel áreket etý sharalary qabyldanady», dep málimdedi Kamchatka úkimeti.
Nıkolskoe aýyly — Komandor araldaryndaǵy jalǵyz eldi meken, ol Kamchatkanyń basqa mýnıtsıpalıtetterinen oqshaý ornalasqan. Aýylda shamamen 700 adam turady, oǵan jetýdiń jalǵyz joly — áýe qatynasy.
Eske sala keteıik, buǵan deıin Karıb jaǵalaýynda «Melıssa» daýyly 49 adamnyń ómirin qıǵanyn jazdyq.
Al qazan aıynda Fılıppındegi dúleı daýyldan 8 adam qaza tapty.